Thursday 28 de March de 2024

Un total de 14 concellos da Comarca de Ferrolterra recibirán axudas da Xunta por valor de algo máis de 300.000 euros para promover a conciliación, previr e tratar a violencia de xénero


 

― Destínanse máis de 179.000 euros a catro Centros de Información á Muller da comarca

― Desde o ano 2015 a Xunta leva destinados a estes apoios máis de 36 millóns de euros

A secretaria xeral da Igualdade, Susana López Abella, e delegado da Xunta na Coruña, Gonzalo Trenor, informaron do resultado da resolución das axudas a entidades locais que a Xunta de Galicia destinará este ano para fomentar e promocionar a igualdade. Na comarca de Ferrolterra esta cifra ascende a a algo máis de 300.000 euros para atender as demandas de 14 concellos.

Como explicou Susana López Abella o Goberno galego financia actuacións de catro programas: (1) fomento da conciliación; (2) promoción da igualdade entre mulleres e homes e de prevención e tratamento da violencia de xénero; (3) apoio aos Centros de Información á Muller (CIM); e (4) o programa de sensibilización, información e difusión sobre a igualdade e prevención da violencia contra as mulleres.

O primeiro dos programas conta con máis de 78.000 euros cos que se apoian iniciativas de sete entidades locais para o fomento das medidas de conciliación.

A segunda liña, con máis de 18.000 euros, céntrase na promoción da igualdade e da prevención e tratamento da violencia de xénero en catro entidades locais. Coa mesma a Xunta financia accións orientadas a previr a violencia de xénero e mellorar a situación persoal, social e laboral das mulleres vítimas, das súas fillas e fillos e das persoas delas dependentes s e doutras mulleres en situación de vulnerabilidade. Estes apoios inclúen medidas de loita contra a explotación sexual, incluída a prostitución.

A terceira liña ten como obxectivo apoiar a rede de centros de información ás mulleres (CIM), integrada actualmente por 4 centros que dan cobertura a 8 concellos. O Goberno galego apoia o financiamento dos postos de traballo dos CIM e dos axentes de igualdade ou de fomento do traballo en rede e de dinamización do territorio con enfoque de xénero, destinando a este programa máis de 179.000 euros na área de Ferrol.

A cuarta liña céntrase na posta en marcha de medidas de sensibilización, información e difusión sobre a igualdade e prevención da violencia contra as mulleres. Na convocatoria deste ano destinaranse máis de 23.000 euros euros para catro entidades locais con cargo aos fondos do Pacto de Estado contra a violencia de xénero.

A Xunta leva investidos nestes programas, en toda Galicia, desde o ano 2015 máis de 30 millóns de euros, o que permitiu axudar a máis de 50.000 mulleres e 17.500 familias.

SOLICITANTE Concellos agrupados/

mancomunados

CONCELLOS  CIM – TOTAL (2021/2022)  PROMOCIÓN IGUALDADE  CONCILIACIÓN  SENSIBILIZACIÓN  TOTAL CONCEDIDO CONCELLO
ARES   1  40.890 €            40.890,00 €
CABANAS   1        3.360  €      8.694 €    6.000 €      18.054,00 €
CARIÑO CONTABILIZADO CON ORTIGUEIRA 0        12.543,86 €    5.693 €      18.236,86 €
FERROL   1  45.000 €            45.000,00 €
MUGARDOS   1        14.332,50 €        14.332,50 €
ORTIGUEIRA Cariño, Cedeira, Cerdido, Mañón 5  57.156,48 €    2.948,70 €      6.777 €        66.882,18 €
PONTEDEUME   1      10.080 €          10.080,00 €
AS PONTES DE GARCÍA RODRÍGUEZ

 

  1 36.480,00 €  2.280,80 €    15.000,00 €        53.760,80 €
SAN SADURNIÑO   1          5.980 €         5.980,00 €
VALDOVIÑO   1        14.310 €        14.310,00 €
VILARMAIOR   1          6.720 €     6.000 €      12.720,00 €
TOTAL 14 179.526,48 € 18.669,50 € 78.377,36 € 23.673,00 € 300.246€